Ishengero ry’abagenzi mu Kirundo ryaraye rishikirije amazi meza

Ku wa 29 Gitugutu 2022, niho amavomo 2 kuri 3 yubatswe n'iryo shengero muri Komine Bugabira yrashikirizwa Abenegihugu bo ku mutumba Rugasa.

Nk’uko bivugwa na Rev.Pasteur Louis Pasteur Nizigiyimana aserukira iryo shengero imbere y'amategeko, ibikorwa vyo kurondera amasoko,gutunganya imbizi hamwe no kuyubaka biriko birakorwa n’ishengero ry’abagenzi EEA mu Kirundo. Rikaba rifise intumbero yo gushika no mu bindi bice vy’igihugu, mu ntumbero yo gufasha abanyagihugu kuronka amazi meza.

Abanyagihugu baronkejwe iyo ngabire bakaba bashimira iryo shengero, mbere bakaba bariyemeje kuzobungabunga izo nyubakwa rusangi.

Mu mubonano bagiranye na buramatari w’iyo ntara, Bamweretse ko muri ako gace haharurwa imiryango irenga ibihumbi 6 igizwe n'abantu barenga ibihumbi 30 bahora bakoresha amazi mabi cane yo mu kiyaga Gacamirindi no mu binogo vy'imbizi zidatunganijwe neza bigatuma bagira amagara mabi kuko bayanywa bakongera bakayatekesha. Iyo ndongonzi ikaba yababwiye ko Leta ibashigikiye mur’ivyo bikorwa maze ibemerera ikibanza iryo shengero rizoranguriramwo ibikorwa bitandukanye vy’iterambere: "centre pour le bureau de developpement."